س. شو قصّة هذا الراديو؟
ج. هذا المشروع ملهم من مشروع راديوا كوارتيرة، يلّي عمله أصدقاء ب ميلانو مشان يسلّوا بعض بالحجر الصحّي. قلنا منعمل نفس الشي.
س. مين “نحن”؟
ج. يلّي بلّش المشروع هو مجد الشهابي ، بس كمّلوا فيه كثير أصدقاء وصديقات. كثير منهن ب لبنان، بس كمان كثار برّا. يمكن حط أساميهن هون إذا وافقوا هن. رح اسألهن.
س. بحب أسوق الإذاعة! كيف؟
ج. حلو! شوفي شي فقرة ما حدا مسجّل فيها على البرنامج هون. بعدين عبّي هي الاستمارة مشان نحجزلك افقرة.
س. أنا كمان بدّي أعمل إذاعة!
ج. سهلة كثير! عملناها على خدمة إسمها Radiojar، بتكلّف ٢٠ دولار بالشهر. إذا بتحبّوا مساعدة تقنيّة لتنشؤوا موقع مشابه ممكن يكون ضمن نطاقنا على (yamakan.place) إبعتولنا ونحنا منزبّط. منحتاج المواد التالية:
س. شو ساعات البث؟
ج. من الصبح لحد ما الديجي تتعب!
س. بحب أشوف جدول البث!
ج. تفضّلوا هون
س. مين عمل الـlogo البجنّن؟
ج. الرائع أيمن حسّان من استوديو زمرة. عم بياخذ مشاريع جديدة إذا بدكن مصمّم بصري مهضوم بيعرف يشتغل مع الحرف العربي بطريقة مبتكرة.
س. وينكن على مواقع التواصل الإجتماعي
؟ج. كان في قرار جماعي من قبل مجموعة التنظيم أن ما يكون في حسابات على المواقع المعتادة (فيسبوك، تويتر، إنستاگرام، إلخ...)، لعدّة أسباب: أوّل شي، كس أم الفيسبوك ومشتقّاته. ثاني شي، بدنا نركّز على المحتوى السمعي للراديو، وما بدنا نقضّي وقتنا عم نخلق مواد للمنصّات الثانية. ثالث شي، كل حدا منّا عندها حساباتها الخاصّة، أفضل ننشر عليها باستخدام الهاشتاگ #راديو_الحي. إذا بتحبّوا تشوفوا البصريّات يلّي نشروها الديجيهات ليعلنوا على فقراتهن، شوفوا هي المجموعة هون.
س. هل أنا بمأمن من التحرّش والمضايقات والتنمّر هنا؟
ج. كفريق راديو الحي نأخذ كل المضايقات وبما فيها التحرّش بجديّة، ونسعى للتعامل معها بطريقة مناسبة لتوفير بيئة مريحة لكل المستمعات والمستعمين، والمقدّمات والمقدّمين. ولذلك قمنا بكتابة مدوّنة قواعد السلوك، التي يمكنك عرضها عبر هذا الرابط.
نأسف أن في مجتمعنا، ليس هناك نماذج تطبّق العدالة التصالحيّة (restorative justice) التي تتيح لكل من أطراف النزاع فرصة للعدالة بدلاً من العدالة الجزائيّة (retributive justice) التي تتمحور حول العقاب والنقمة فقط.
نتمنّى لو كان هناك فرصة لبناء مجتمعنا بطريقة تتجانس مع المبادئ النسويّة التي نؤمن بها، ولكن لا نرى أنفسنا كفريق تطوّعي لإدارة الراديو قادرين على تحقيق هذا التغيير وحدنا.