راديو الحي هو مشروع تشاركي، بوقت صعب فيه التشارك نظراً للحجر الصحّي يلّي عايشينه. نحنا مجموعة من الأصدقاء، عايشين ببيروت، منجتمع ب مانشن، بحي زقاق البلاط.

برنامجنا عفوي جدّاً. منتشارك موسيقا عبالنا نسمعها سوا، منقرأ كتب، منبث تسجيلات صوتيّة من الماما، مواد من أرشيف راديوهات تاريخيّة، وما إلى ذلك. رح تسمعونا عم نسلّم على أصدقاءنا، ب بيروت وخارجها. وعم نوزّع حب يمين وشمال. لأنّا كلنا بحاجة لحب هي الأيّام.

يمكن الشي الوحيد الناقص هو العبطات والبوسات. بس يمكن رح تحسّوا فيهن وإنتوا عم بتسمعونا.

على وتيرة بطيئة، تعوا نسمع.

بدكن تطلبوا أغاني محدّدة؟ كبّو ملفّاتها عبر هذا الرابط. عندكن أسئلة؟ شوفوا صفحة سين جيم. بدكن البرنامج؟ هون. بدكن تحجزوا وقت لتلعبوا فيه؟ هي الإستمارة. كمان فينكن تبعتولنا إيميل.