تستمعون الآن::

راديو الحومة هو مشروع تشاركي، ومحاولة تواصل وتنفيس في وقت العزلة المنزلية والتباعد الاجتماعي.

استلهمنا الفكرة من الأصدقاء في راديو الحي في بيروت اللي هوما استلهموا الفكرة من راديو كوارتيري في ميلانو. بدينا من ديار في حي المهرجان ونبث من كل حومة وكل جهة وكل دار لتونس وللعالم أو من العالم إلى تونس.

أحنا أصدقاء ومعارف ومعارف المعارف وناس تعرف بعضها أو متعرفش بعضها، قاعدين نلعبو موزيكا، نحكيو نفذلكو ونعملو جو في هذي الأوقات الصعبة علينا الكل.

نبعث حب للي يسمع وأحضان افتراضية للي يحتاجها.

تنجمو تشوفو البرنامج هنا. وتنجموا كان متعرفوناش أو تعرفونا تبعثولنا تحجزوا وقت على الراديو تلعبو موزيكا أو تحكو عن أي حاجة لـهنا. أو ابعثولنا إيميل على elhoumaradio@gmail.com.